Огледалото е едно од поважните предмети во женскиот свет...

Денес решивме да ви ги претставиме најнеобичните огледала во светот.

Огледала - клупи

Во Јапонија, во паркот во близина на културниот центар Towada Art Centre се ставени необични клупи. Тие се нарекуваат In FLakes и ги рефлектираат небото и дрвјата кои ги опкружуваат.

Огледало - нож

Секоја жена сака секогаш да изгледа совршено, без оглед на тоа дали е поканета на некој настан или во кујната. За жени, кои сакаат да готват а истовремено со тоа да изгледаат одлично, креаторите го измислиле Knife Mirror или ножот - огледало.

Куќичка од огледало

Пред околу една година во Швајцарија се отвори необичниот хотел Treehotel. Тој се состои од неколку мали куќички, лоцирани на различни дрвја. Надворешната страна на секоја од нив е направена со огледала. Од нив се рефлектира околната шума и ефектот е повеќе од неверојатен.

Огледало - мозаик

Ако често ви се случува да не ви се станува наутро или да се чувствувате страшно уморени по долга вечер, тогаш огледалото-мозаик на дизајнерот Емилијано Бринчи е токму за вас. Можете да го подредувате по сопствена идеја и наутро да гледате доста повесело и забавно рефлектирање.

Џиновска диско - топка

Минатата зима жителите на еден од квартовите во Париз беа изненадени од џиновксата диско - топка. Таа се појави во еден од парковите на населбата, беше поставена со специјален кран и ги радуваше минувачите околу неа во текот на неколку недели.