Кога 57 годишниот Стивен Мабат им рекол дека слуша како му се мрдаат очите во главата, докторите останале збунети. Излегло дека е во право...

На Стивен му е дијагностицирано многу ретко пореметување поради кое многу гласно ги слуша сите звуци во телото. 57 годишниот ги слуша чукањата на своето срце, а додека ја жвака храната, буката која ја слуша е заглушувачка.

Симптомите на таткото на две деца му се појавила во 2005 гдина. Цели шест години состојбата му се влошувала и се посилно ја слушал „буката во телото“.

„Една вечер седев во својата куќа во целосна тишина и одеднаш слушнав еден гласен, иритирачки звук. Како со шмиргла да обработувате дрво“, рече господин Мабат. „Почнав да се вртам за да видам што се случува. Тогаш забележав дека звукот се повторува секогаш кога ќе ги завртам очите. Помислив дека сум луд.“

До пред 10 години докторите воопшто не биле запознаени со овој многу редок синдром. Кога господин Мабат оваа година бил на CT излегло дека има мала дупкичка во коската која ја штити мембраната на увотоо. Опериран е и проблемот потоа бил решен.