Магична кутија која ќе ве спаси од маките на преселувањето! Германците дизајнирале кутија во која собира цела соба! Да, ЦЕЛА соба...

Не ве држи место, сакате да го менувате живеалиштетто, одите на одмор, а немате каде да отседнете...?

Еве решение за вас! Двајца германски дизајнери - Марсел Крингс и Себастијан Милхаузер - осмислиле концепт на соба за носење. И тоа се уредно спакувано во една голема кутија.

Во таа „магична“ кутија имате се што ви е потребно да опремите соба. Спална соба.

Имате кревер, работна маса, орман, полици, стол... Да ја наместите собата потребни ви се само седум минути. Генијално, зар не?

Идејата на германските дизајнери се родила уште пред четири години. Своето „дете“ го нарекле „Казуло“. Сакале да им ги скратат маките на оние кои ги фрустрира самата идеја за преселување, за носење на масивни работи, кревети, ормани...

За местење на креветот, полиците, орманот, масата... не ви е потребен никаков алат. Значи, се е едноставно. И кога некој ќе ви каже „собери си ги работите и заминувај“, значи кога ќе треба да вратите се во кутијата, процесот е многу едноставен - и исто така трае неколку минути.

Единствената мана на оваа кутија-соба е што се потребни две личности за влечење, затоа што не е баш лесна. Но, како може да биде, кога имате комплетна соба?

„Казуло“ се уште не е пуштен во продажба, но германските дизјанери работат на тоа да почнат со произведување и да биде достапен на сите.