Доколку Хари Потер би бил лик во вистинскиот живот, денеска ќе наполнеше 31 година...

Денеска, на 31 јули, му е роденден на најпознатиот волшебник во наше време, Хари Потер, но, исто така и роденденот на жената која го создаде, Џ. К. Роулинг.

Сепак, додека Хари е „роден“ 1980 година, Роулинг не ја дели истата година на раѓање со нејзиниот херој, туку е родена 15 години пред него, односно во 1965 година и денеска полни 46 години.

Серијалот „Хари Потер“ почнала да го пишува во почетокот на ’90-тите години од минатиот век, но првиот дел не бил објавен се до 1997 година, под името „Хари Потер и Каменот на Мудроста“.

Роулинг денеска е една од најбогатите жени во Велика Британија и најдобриот автор во денешно време, чие име се наоѓа во книгата на живите генијалци.

Покрај роденденот на нивниот омилен херој и најдобрата писателка на светот, денешниот датум е значаен и по друго за фановите на „Хари Потер“.

Имено, од денеска се отворени регистрациите на нови кориснци на Pottermore, односно на неколку среќници кои ќе успеат да ја решат загатката и да бидат меѓу првите кои ќе се придружат на виртуелната „Хари Потер“ заедница.

Загатката ќе може да се решава до 6 август, а регистрациите за сите корисници ширум светот ќе бидат отворени од октомври оваа година.