Кога се увериле дека бебето е оставено само во автомобилот на жештината, британските полицајци не размислувале ни секунда, го скршиле стаклото за да го спасат детето од автомобилот, па сфатиле дека е кукла...

За да спречат уште една трагедија поради невнимание на родителите, полицајците го скршиле стаклото за да го спасат детето. Но, кога дошле до него, сфатиле дека станува збор за само многу реална кукла. Во автомобилот ја оставила 5 годишната сопственичка на куклата, Шанел Кристофис.

Додека нејзиниот татко бил на работа, минувачите во автомобилот го виделе „детето“ и веднаш ја повикале полицијата. Поради страв детето да не умре на жештината, полицајците провалиле во автомобилот, и тогаш сфатиле дека погрешиле.

„Не можев да верувам кога полицијата се појави со кукла во раката. Ми раскажаа што се случило и ми рекоа веќе да не ја оставам во возилото“, рече 37 годишниот Анастаси.

Овие многу реални кукли се вистински хит меѓу девојчињата во Британија, а чинат околу 5.000 денари. За штетата на автомобилот полицијата мора да плати повеќе од 14.000 денари. „Повикот до полицијата беше со добра намера. Возачите треба да размислуваат што оставаат во автомобилот“, рече шерифот Роберт Холмс.