Епл во вториот квартал од оваа година ја претекнал компанијата Нокиа и Самсунг и избиле на првото место на светскиот пазар на смарфон моделите...

Во овој период, вкупно биле продадени рекордни 110 милиони мобилни телефони, пренесува Би-Би-Си.

Според податоците од агенцијата Strategy Analytics, финската Нокиа и понатаму е водач по вкупниот број на продадени мобилни телефони, но нејзиниот удел на пазарот се намалува.

Оваа компанија во вториот квартал на пазарот обезбедила 88.5 милиони телефони, што е за 20 % помалку во истиот период минатата година.

Епл во овој период двојно повеќе ја зголемил продажбата на свои мобилни телефони, на рекордни 20.3 апарати.

Самсунг продал 74 милиони апарати, што претставува зголемување од 16% наспроти истиот квартал минатата година.

Аналитичарите велат дека Нокиа е оптеретена со проблеми, бидејќи во понудата нема поинтересни телефони од најновата генерација, слабо ја пласира својата платформа Symbian и има ограничено присуство на голем пазар во САД.