Основач на веб-страница за неверство го направи крајното ветување - ако не добиете секс, ќе ви ги вратиме парите...

Тоа мора да биде крајната гаранција за враќање на парите - ветувањето за успешна вонбрачна афера или враќање на парите.

А токму тоа што веб-страницата за неверство ashleymadison.com им го нуди на своите корисници, се додека ги следат онлајн упатствата за состанување.

А веста доаѓа додека основачот на контроверзната страница, Ноел Бирдермен ја обновува својата брачна заклетва во Австралија.

Оваа веб-страница, чиј слоган е „Животот е краток. Имајте афера“, привлече критикувања од религиозни и семејни групи уште од нејзиното основање во 2001 година.

Но, покрај интензивниот критицизам, страницата има членови од цел свет со повеќе од осум милиони изневерувачи.

Господин Бидермен тврди дека и на аферите, исто како и на бракот, треба да се работи. „Ако сакате да го најдете вистинското ниво на успех, ние мислиме дека постои врска која требате да ја направите, а ако не функционира за вас, ќе ви ги вратиме парите.“

Во обид да се прикрие љубовта на дигиталните стаорци, сајтот ја брише комуникацијата меѓу корисниците додека истовремено им ги крие вистинските идентитети.

Бидермен, кој е оженет со својата жена, Аманда, околу осум години, рече во едно интервју од 2008 дека би бил „скршен“ ако некогаш открие дека таа го изневерува него.

Тој рече: „Јас сум верен на својата жена. Мојата жена има емоционални и физички потреби кои јас морам да ги задоволам. Ако не го сторам тоа, таа може да ме изневери. И верувајте ми, ќе бидам скршен ако тоа ми се случи. Но, исто така ќе треба да се соочам со причината зошто го сторила тоа.“

Питер Стокс, од Семејниот Совет од Викторија, Австралија го критикуваше успехот на страницата во неговата земја. „Фактот дека таму надвор постои маркет за неверство покажува колку ниско сме паднале во нашиот поим за тоа што претставува врската. Да, некои бракови се распаѓаат и некои споружници изневеруваат, но се треба да биде во границите на нормалата.“