Почнавме со Мајорка, продолживме со Азурниот брег, а денес е ред на Црна Гора...

Црна Гoрa излегува во сините води на Јадранското море - најчистите и кристални води на Медитеранот.

Водата е толку чиста што дното се гледа дури и на длабочина од 55 метри. Природата во Црна Гора е слична на онаа во западна Турција - плажи со ситен чакал, тивки пусти заливи и плажи со големи црни камења.

Сите градови во Црна Гора се поделени на два дела - Стар и Нов град. Старите улици обично се мали и тесни, а градбите за нив се камени, во венецијански стил. Во секој град задолжително има ѕидини и плоштад, натрупан со пријатни кафулиња. Насекаде се слуша музика, од која ќе се пренесете неколку века назад.

Црна Гора е позната по маслинките и маслиновото масло, а исто така и со својата неверојатна морска кујна. Замислете огромно порција со исклучително свежо подготвени школки, ракчиња, тукушто донесени од морето со рибарски чамци. Вкусно нели? Сега замислете дека ова задоволство ќе ве чини не повеќе од 20 евра. Печена риба, октопод на скара, рибина чорба во оригинален локален рецепт. Локалните готвачи подготвуваат одлично месо - пробајте црногорски деликатес "пршут". Како гарднир ќе ви понудат "блитва" - варен компир со спанаќ.