Ви го претставуваме најголемиот дизелски мотор на светот. Овој мамут се вика Wärtsilä-Sulzer RTA96-C, а произведува феноменални 109.000 КС...

Транспортните бродови кои превезуваат роба преку Пацификот се со неверојатни димензии, а еден од најголемите е со 400 метри должина и тежи 170.974 тона. Ваков товарен брод има вкупен капацитет од 11 илјади контејнери и постигнува брзина од 30 јазли. Тајната за таа брзина лежи во најголемиот дизелски мотор на светот.

Благодарение на технологијата common rail, можно е да се извлече максимумот од моторот при многу ниски вртежи, што значително влијае на намалување на потрошувачката на гориво, на бучавата и пониска емисија на штетни гасови. Во најштедливиот начин на работа, RTA96-C и понатаму конзумира 6284 литри гориво на час.

Вкупната маса на моторот изнесува 2.300 дона, се протега на 13.5 метри во висина и има должина од 27.4 метри. Со други зборови RTA96-C има висина на стандардна четири катна зграда.