Погледнете го овој интересен компир кој личи на заколнатиот непријател на Хари Потер...

За некои тоа може да биде единствено компир, но за обожавателот на „Хари Потер“, Рони Тод, тоа е преголема сличност со заколнатиот непријател на момчето волшебник, Лорд Волдеморт.

49 годишниот неволшебник го ископал компирот со невообичаен изглед, што е четири пати поголем од обичната големина, во неговата градина во Јужен Хемптон, Хентс.

И откако го измил, бил запрепастен од злокобната сличност што компирот ја имал со злобниот волшебник кој во филмовите го глуми Ралф Фајнс.

„Не можев да верувам кога го извлеков од земјата. Требаше да биде мал нов компир, совршен со стек и салата, но беше гигантски. Никогаш порано не сум видел вакво нешто. Мојата прва помисла беше колку е голем компирот. Тогаш јасно го видов лицето на Волдеморт. Сум ги гледал „Хари Потер“ филмовите и навистина уживав во нив, но никогаш не помислив дека негативецот ќе ми се појави во градината.“