Ликот на Северус Снејп, кој во филмовите за момчето волшебник го игра актерот Алан Рикман...

Во анкета на британското списание Empire, Северус Снејп е прогласен за најдобар од сите ликови кои се појавија во сите осум филмови за Хари Потер.

Снејп добил 500 гласови, повеќе од Рон Визли (Руперт Гринт) кој е на второ место, додека Хари Потер (Даниел Редклиф) е на трето место. Хермиона Гренџер (Ема Ватсон) го зазеде четврото место, а на петто е Сириус Блек (Гери Олдман).

„Додека Хари, Рон и Хермиона делуваат херојски, Снејп дефинитивно е најважениот и најкомплексниот лик на Џоан Роулинг“, наведува Empire.

Последното продолжение на филмот за момчето волшебник ги руши сите рекорди за заработка и гледаност во светските кина, а франшизата е прогласена за најуспешна во историјата на кинематографијата.