Авионска карта за шешир, череп од диносаурус и уред кој ги "истерува" духовите се само некои од работите на кои ѕвездите даваат по десетици илјади долари...

Американскиот сајт "Friski" составил листа на некои од најбизарните, или најскапи предмети кои познатите дебело ги платиле.

Пејачот на U2 Боно го заборавил својот омилен шешир кога тргнал на настап во Италија, па ги ангажирал своите помошници да му го достават од Лондон како знаат и умеат. За привилегијата омилениот шешир да допатува во Италија платил 2.000 долари, бидејќи шеширот стигнал со авион и му била платена карта, наместо да се прати по курирска служба.

Актерот Николас Кејџ една со Леонардо ди Каприо се натпреварувале на една аукција во купувањето на череп од диносаурус. Понудата на Кејџ била подобра, па черепот му припаднал нему, но сметката од банката му била скратена за 276.000 долари.

Пејачката Лејди Гага повремено е суеверна или се плаши од натприродни појави, таа од американски "експерти" купила електронска направа која наводно ги тера духовите, а платила околу 50.000 долари.

Кога не купуваат черепи на праисториски суштества или оружје за борба против духовите, познатите и на најобичните работи трошат неверојатни суми.

Бијонси носи само "Баленсијаг" хулахопки, и нејзината колекција од хулахопки е вредна околу 100.000 долари. Во модното "хоби" сепак ја поминува Викторија Бекам, која го обожава моделот "Биркин" ташните од модната куќа "Хермес". За купувањето на овој аксесоар, на листата на чекање се чека повеќе месеци, и примерокот чини од 9.000 до 150.000 долари. Колекцијата на Викторија се проценува на околу 2 милиони долари.