Веб девелоперот Мајкл Ли Џонсон одлучил за што е можно пократок период да собере голем број пријатели на новата социјална мрежа Гугл + па затоа на Фејсбук создал рекламен оглас со кој ги повикува луѓето да го додадат како пријател...

Рекламата била следната: "Додајте го Мајкл на Гугл + : Доколку сте еден од среќниците кои имаат Гугл + акаунт, додајте го Мајкл Ли Џонсон, развивач на апликации, виртуоз на технологија".

Фејсбук таквата реклама ја избришале, а притоа му забраниле на Мајкл понатамошно рекламирање на Фејсбук и ги суспендирале сите останати негови кампањи со објаснување: "Вашиот акаунт е блокиран. Сите ваши кампањи се стопирани и нема повторно да бида пуштени под никакви околности. Генерално, го блокираме акаунтот доколку премногу реклами се поврзани со нешто кои ги кршат правилата или инструкциите за рекламирање. За жал неможеме да определиме кои правила се прекршени. Доколку имате било какви дополнителни прашање, ве молиме прочитајте ги условите за користење и огласување".

Потоа, мајкл одлучил да го избриша својот профил на Фејсбук и целосно да се префрли на Гугл +, каде што има собрано речиси 1.500 пријатели. "Најдобрата работа која некогаш сум ја направил е бришењето на мојот Фејсбук профил (сега имам повеќе време за користење на Гугл +)", напишал Мајкл ова утро.