Најголемиот страв на падобранците е да не им се отвори падобранот. Токму тоа му се случи на Мајкл Холмс кој е доказ дека луѓето сепак се неверојатно отпорни и дека се случуваат чуда...

На Холмс за време на еден скок пред пет години падобранот не му се отворил, па со слободен пад слетал во вегетација. Не само што преживеал, туку продолжил и да скока од авиони.

Се уште никому не му е јасно како Холмс го преживеал падот. Скршил две коски и здобил неколку модрици и гребнатинки, но не се здобил со повреди на внатрешните органи.

Храбриот падобранец рекол, дека иако и гледал на смртта во очите, никогаш не му паднало на памет да се откаже од скокањето. „Тоа е мојот живот, тоа е она што го сакам и не можам да замислам никогаш повеќе да не скокам. Кога луѓето ќе преживеат автомобилска несреќа, поголемиот дел од нив повторно возат со автомобил. Исто е и со скокањето со падобран“, рече тој.