Човекот кој учествувал во создавањето на новата социјална мрежа Google +, Пол Адамс, само две недели по лансирањето, преминал од Гугл во Фејсбук...

Откако што на својот блог објавил дека компанијата Гугл, во која бил вработен, му забранила да ја објави книгата Social circles во која објаснува како настанал Гугл Плус, Адамс преминал во Фејсбук.

Всушност во Гугл уште од минатата година му рекле да го одложи објавувањето на книгата додека Гугл Плус не излезе, но ниту сега не му дозволуваат.

Тој рекол дека се чувствува "како да налетал на поранешната девојка" и дека е момент да расчисти "некои работи со поранешната компанија".

"Незнам зошто не ми дозволуваат да објавам книга која е базирана на истражување на некои универзитети и во која нема информации кои би ги кршиле авторските права", вели Адамс кој преминал во Фејсбук и почнал да работи на новата книга "Grouped".