Google Doodle е денес со посвета за годишнината од раѓањето на Златко Гргиќ, автор на еден од најпопуларните цртани филмови од овие простори...
Професор Балтазар е денес популарен на Google. До ден денес тој останува најуспешниот проект на Факултетот за цртани филмови во Загреб. Хрватската анимирана хумористична серија е снимена од 1967 до 1971 година во Загреб. Има вкупно 59 епизоди, со времетраење од 5 до 10 минути.
Таткото на ликот на професор Балтазар, Златко Гргиќ е роден во Загреб на првиот летен ден ден, на 21 јуни 1931 година, што го одбележува и Google Doodle, а починал во Торонто, на 4 октомври 1988 година. Иако студирал право и новинарство, целиот свој живот и се посветил на анимацијата и карикатурите. Со цртани филмови почнал да се занимава во 1951 година, како цртач и аниматор, а самостојно почнува да режира во 1964, „Muzikalno prase“, „Izumitelj cipela“, „Veliki i mali“. Во Канада, го ко-режирал филмот „Lutka snova“, за кој е номиниран за Оскар.
Проектот „Професор Балтазар“ го сочинувала екипа од 20 луѓе.
Цртаната серија за љубезниот научник кој ги решава проблемите на своите сограѓани со помош на неговата фантазија и позитивна енергија стана многу популарна, а постигна солиден успех и во странство. Балтазар има работилница и таму со помош на своите изуми им го олеснува животот на другите луѓе од градот Балтазар. Уживајте 8,5 минути во „Роденденски приказни“.
