Оскаровецот потврди дека ќе биде режисер, сценарист и главна ѕвезда на филмот Live By Night.
Бен Афлек ќе игра во адаптацијата на романот на Денис Леан, чие дејствие е сместено во периодот на прохибицијата во Америка. Главниот лик е син на полицаец, кој ја предава семејната чест и се вплеткува во светот на организираниот криминал.
Афлек ќе биде потпишан како режисер и сценарист, а ќе ја толкува и главната улога, пишува Hollywood Reporter.
Не е познато кој ќе ги толкува останатите улоги во филмот чие снимање почнува во јануари следната година.
