Објавен е првиот трејлер од новиот филм на Тим Бартон со Џони Деп во главна улога.

Хорор приказната Dark Shadows, осмата соработка на холивудскиот актер Џони Деп и режисерот Тим Бартон, зборува за вампирот Барнабас Колинс и неговите средби со други чудовишта - вештерки и врколаци.

Филмот е адаптација на серија од шеесетите години од минатиот век и го претставува Колинс (кој го игра Деп) како богат и моќен плејбој кој и го крши срцето на Анџелика Бушард (Ева Грин).

Бушард го претвора Колинс во вампир и го закопува жив. Два века подоцна, Колинс се ослободува од својата гробница и излегува во многу поинаков свет - во 1972 година од минатиот век.

Премиерата на филмот е закажана за мај оваа година, во него, покрај Џони Деп и Ева Грин, играат и Мишел Фајфер, Џони Ли Милер и Хелена Бонам Картер.