Оскаровката Никол Кидман и актерот Клајв Овен се брачниот пар Хемингвеј во најновиот филм за славниот нобеловец...

Никол Кидман и Клајв Овен ќе го играат брачниот пар Хемингвеј во телевизискиот филм на продуцентската куќа HBO „Хемингвеј и Гелхорн“, чија премиера се очекува следната година.

Никол ќе го толкува ликот на Марта Гелхорн, воена дописничка и трета сопруга на славниот писател кој ќе биде игран од страна на Клајв Овен, пренесува списанието Entertainment Weekly.

Филмот најмногу ќе се занимава со односите на брачниот пар, нивната страсна и често бурна врска за време на граѓанската војна во Шпанија.

Иако Ернест Хемингвеј по сите стандарди е синоним за машкост, општо мислење е дека оваа жена го надминала во многу работи. Нејзината смелост и бесрашност го надминувале времето во кое живеела.

Клајв Овен на публиката и е познат по улогите во филмовите „Крал Артур“, „Градот на гревот“, „Блискост“ и „Борновиот идентитет“.