Се повеќе се потврдуваат тезите дека кај локалитетот Бонче можно е да се наоѓа четвртата изгубена македонска престолнина, градот Пелагонија. Под раководство на професорот Виктор Лилиќ, целосно е откриена гробницата која е единствена од ваков тип на Балканот. Слична има само во Пела во Грција. Оваа гробница потекнува од четвртиот век пред нашата ера кога и постоело Кралството на Пелагонците. Се претпоставува дека е ограбена уште во антиката. Според начинот на градење на самата гробница, може да се претпостави дека во неа е погебан некој пелагониски крал, чиј идентитет сеуште не е познат.
Пред две години на истиот локалитет беа откриени и три штитови со Сонцето на Вергина на кралот Деметриј. Кога ќе се реставрираат, за прв пат во светот ќе се добие вистинска претстава за тоа како изгледал штитот на Македонската Фаланга.